Doentes, rodada integramente en Santiago de Compostela, conta o que acontece nos anos cincuenta, a noite na que o actual Hostal dos Reis Católicos (antes Hospital) é desaloxado, botando aos doentes ás rúas compostelás.
Nesa noite trepidante, chea de sorpresas e verdades inconfesables, atopámonos coa historia de Valeriano e Cañete, dous perdedores, dúas personaxas marcadas que se complementan e retroalimentan nun escenario único, a Compostela dos anos cincuenta.
O inesperado desmantelamento do vello Hospital Real enche as rúas de Santiago de enfermos, peregrinos perpetuos e pobres e unha noite de apracible vagabundeo convértese nunha carreira pola supervivencia de dous estraños amigados pola dor que, non podendo cambiar o mundo, loitan, polo menos, por chegar a velo, outra vez, pola mañá.
A estrea en salas está prevista para o mes de maio, despois presentarse no Festival de Cans.
Xosé Manuel Olveira Pico, Xosé Antonio Durán Morris, María Vázquez, Rosa Álvarez, Manolo Cortés, Farruco Castromán, Gonzalo Uriarte
Director: Gustavo Balza
Guión: Roberto G. Méndez e Gustavo Balza
Produción executiva: Antón Reixa
Director de fotografía: Suso Bello
Directora de Arte: Alexandra Fernández
- Festival de Málaga de Cine Español 2011. Sección oficial.
- Festival de Cans (o Porriño).
Rúa Mónaco, 7, baixo A | 15707 Santiago de Compostela | telf: +34 981 577 747 | fax: +34 981 564 322 | e-mail: prensa@agapi.org
