inicio   |   mapa web   |   nota legal   |   accesibilidade   |   contacta   |   área privada galego   |   español   |   english
Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera.
Actualidade Novas destacadas
Imaxe da nova

Aberto prazo de recepción de obras para o Festival Novos Cinemas

2019-05-02

Dende hoxe mesmo xa é posible presentar filmes para participar na Edición 04 de Novos Cinemas - Festival de Cine Internacional de Pontevedra, que se desenvolverá entre o 10 e o 15 de decembro deste mesmo ano na cidade do Lérez.

Imaxe da nova

Matriuska Producciones arrinca en Galicia a rodaxe do filme ¿QUÉ HICIMOS MAL?

2019-05-01

Esta semana arrincou en Galicia a rodaxe de ¿QUÉ HICIMOS MAL?, a nova película de Liliana Torres ( Family Tour), producida por Matriuska, Avalon e Miss Wasabi; co apoio de TVE, a Xunta de Galicia e TVG. A película está protagonizada pola propia directora e guionista Liliana Torres, Xulio Abonjo (Fariña, María e os demais), Héctor Carballo (Servir e protexer), Melania Cruz ( Dhogs, A Esmorga) e Jorge Roldán (Diana).

.
Imaxe da nova

Paula Cons finaliza a rodaxe do thriller ‘O Santa Isabel’

2019-04-22

A semana pasada finalizou en Portugal a rodaxe de O SANTA ISABEL. A ópera prima de Paula Cons é un thriller sobre a fuxida da dor e sobre as sombras e, practicamente ningunha luz, do heroísmo. Estrearase nas pantallas a comezos do vindeiro ano da man de Filmax. Diferentes localizacións de Galicia e Portugal acolleron durante seis intensas semanas a rodaxe da película, inspirada na historia de tres mulleres que se converteron en heroínas pola súa fazaña tralo naufraxio, en 1921, do trasatlántico Santa Isabel fronte á illa de Sálvora, pero ás que a sociedade logo esquecería.

Imaxe da nova

Manolo González, un dos grandes impulsores do audiovisual galego, recibirá a mención honorífica da oitava edición do Primavera do Cine

2019-04-12

A mención honorífica da oitava edición do Primavera do Cine será para Manolo González, produtor, guionista, docente, investigador de cine e, sen dúbida, un dos principais impulsores do audiovisual galego. A entrega terá lugar o 1 de maio ás 21.00 na gala de inicio do certame, que este ano celebrarase no barrio do Calvario e ao aire libre co fin de promover un festival máis aberto e colaborativo.

.
Imaxe da nova

Portocabo e a alemana Nadcon suman forzas para desenvolvemento para a serie Weiss & Morales

2019-04-12

Portocabo e Nadcon Films pechan un acordo de desenvolvemento, no marco do MIPTV de Cannes, para a coprodución da serie Weiss & Morais. Nadcon Films (Modus, O Gardián Invisible) é unha produtora alemá, liderada por Peter Nadermann (Saga Millenium), con ampla experiencia en coprodución internacional. Liderada por Alfonso Branco, a galega Portocabo (Hierro) será a encargada de levar a cabo o desenvolvemento deste proxecto de ficción Weiss & Morais, (4x90’), unha serie procedimental ambientada na illa de Gran Canaria.

Imaxe da nova

Portocabo pon en marcha a súa nova coprodución internacional, EL CAMINO

2019-04-04

A produtora galega Portocabo sigue posicionándose no mercado internacional ao poñer en marcha a súa primeira coprodución entre Francia, Italia e España. A ficción, que levará por nome EL CAMINO, será unha serie transmedia que xirará arredor das historias de tres mulleres moi diversas en culturas, idade e carácter e sen conexión entre si. A nosa historia arranca cando, por razóns do destino, acaban afectadas por un acontecimento dramático que as conectará xerando un vínculo moi profundo, do mesmo xeito que o Camiño de Santiago conecta aos seus camiñantes. Nesta miniserie de seis capículos, a vida das tres iniciará un proceso transformador no que chegarán a cuestionar a súa propia identidade.

.
Imaxe da nova

Finalizada a rodaxe en Galicia do documental A MEDIA VOZ dirixido por Heidi Hassan e Patricia Pérez

2019-04-01

Finalizou a rodaxe en Galicia, da película documental A MEDIA VOZ, un traballo para recuperar emocións de dous cineastas cubanas que chegaron a Galicia hai xa 16 anos. A produción corre a cargo de Matriuska Producións, firma pontevedresa que ten xa unha ampla experiencia no mundo cinematográfico.

Imaxe da nova

HIERRO estréase en Movistar+ o 7 de xuño, trala súa presentación en Series Manía

2019-03-29

A serie HIERRO; coproducida por Portocabo, Atlantique Productions e ARTE France para Movistar+; está ccomposta por 8 episodios de 50 minutos de duración e ten prevista a súa estrea completa o vindeiro 7 de xuño en VOD en Movistar+ e nas canles Movistar de Latinoamérica.

.
Imaxe da nova

Agapi colabora na organización da III edición do Firma e Filme

2019-03-28

Os representantes dunha vintena de empresas galegas dos sectores audiovisual e editorial participaron o mércores 27 na III edición do programa Firma e Filme, que se levou a cabo na Cidade da Cultura. A xornada acolleu máis de 40 reunións entre empresas dos sectores audiovisual e do libro a partir do estudo de guión de 32 títulos.

Imaxe da nova

Culturgal renova directiva e arranca a organización da Feira 2019

2019-03-12

Arrancan os traballos para a organización de Culturgal 2019 despois da reunión da directiva da asociación o pasado xoves 7 de marzo en Santiago de Compostela. Víctor López, representante de EGANET (Empresas Galegas Adicación á Internet), presidirá a asociación os próximos dous anos tras facerse cargo o pasado ano de maneira interina. A décimo segunda edición de Culturgal celebrarase do 29 de novembro ao 1 de decembro no Pazo da Cultura de Pontevedra. A principios do verán a organización abrirá as convocatorias de stands e programación ademais de presentar a imaxe e anunciar as novidades 2019.

.
Logo AGAPI cierre.

Rúa das orfas 23, 1º | 15703 Santiago de Compostela | telf: +34 981 577 747 | e-mail: prensa@agapi.org