Auga fría de mar, de Tic Tac Producciones, gaña o Festival de Rotterdam

2010-02-08

A película de Tic Tac Producciones, Auga fría de mar triunfou na súa estrea mundial na Sección Oficial do Festival de Rotterdam levándose o máximo galardón, o Tigre. O xurado internacional destacou a película pola súa magnífica edición que constrúe un orgánico fluxo de imaxes mentres que a súa intensa dirección crea unha inquietante atmosfera e tensión.

A película partía como unha das favoritas logo de encher o aforo de todas as proxeccións e ser consideradda pola crítica como unha pequena xoia e unha das películas máis fortes do festival. As longametraxes Mundane History, de Anocha Suwichakornpong e Alamar, de Pedro González-Rubio tamén fueron galardoados.

De rodaxe íntegra en Costa Rica, Auga fría de mar vén colleitando éxitos dende os seus inicios. A súa primeira presentación realizouse en Cine en Construcción do Festival de San Sebastián no pasado mes de setembro, e, agora, comeza en Rotterdam o seu percorrido internacional que se promete moi fructífero.

Os críticos xa apuntaban ao posible éxito da película logo da súa proxección no festival.

Para Javier Alcácer, do portal otroscines.com, o festival foi testemuña de como a cidade enteira vaise ao cine para descubrir pequenas xoias como Auga fría de mar, ópera prima da moza costarricense Paz Fábrega. (...) O título aparece como un dos contendientes máis sólidos para levarse algún premio.

O crítico Diego Brodersen, do xornal arxentino Página 12, destacou Outro debut de sorprendente riqueza conceptual e estética, Auga fría de mar, atopa a súa moza realizadora, a costarricense Paz Fábrega, enfrascada nun enganosamente sinxelo relato que cruza os pasos dunha nena e unha muller nova ao longo das súas vacacións. Rodado en formato scope e cunha dirección de fotografía notable –particularmente nas esceas nocturnas–, o filme posúe unha sensibilidade misteriosa que logra retratar a dous seres en estado de rebeldía co mundo que os rodea, sen resultar pretenciosa dende o temático nin ampulosa dende o formal.

Noutra cabeceira, o coñecido diario de ocio TimeOut London, Dave Calhoun alabou a película como un dos filme máis fortes de Rotterdam, o debut de Paz Fábrega, unha directora costarricense e graduada na London Film School. Este cálido traballo debuxa os paralelismos entre unha nena pobre e unha turista, cuxas vidas se cruzan nas espléndidas paisaxes da costa. É unha película reflexiva e misteriosa que non teme ao silencio.

Tamén Frank Witkam, de Movie Sense, coincidiu cos outros especialistas á hora de destacar a calidade deste debut e as súas posibilidades no festival, nun ano no que a competición é especialmente dura.

Auga fría de mar é unha coprodución de Tic Tac Producciones (Galicia), Le films du Requin (Francia), Temporal Films (Costa Rica), Pimienta Films (Mexico) e Isabella Films (Holanda) e conta co apoio do Programa Ibermedia TorinoFilmLab, Hubert Bals Fund, Cinergia, Fondation Gan, Angoa, Région Ile-de-France e o Premio BAL /Arte France del Festival de Internacional de Cine de Buenos Aires

http://www.filmfestivalrotterdam.com/nl/