O soldadiño de chumbo, de Continental Producciones, recibiu o premio á mellor curta de animación no OFestivalOn
2010-08-03
A curtametraxe de animación multipremiada de Continental Producciones O soldadiño de chumbo competiu e gañou o premio á mellor obra de animción no OFestivalOn (o antigo On&Off), celebrado en Ribadeo do 29 ao 31 de xullo.
A curta adapta o conto clásico de Hans Christian Andersen e localízao no Museo do Xoguete de Allariz onde o Soldadiño ten que loitar contra un malvado Cigarrón polo amor da bailarina. A curta foi realizada cunha coidada técnica de modelado en plastilina e animada con stop-motion.
O programa do certame de curtametraxes incluíu títulos internacionais, a xa clásica sección de rodaxes express A Toda Mecha, a caravana de cinema infantil A Caixiña de Mistos e o novo apartado:o Faladoiro.
http://ofestivalon.com/
Rúa Mónaco, 7, baixo A | 15707 Santiago de Compostela | telf: +34 981 577 747 | fax: +34 981 564 322 | e-mail: agapi@agapi.org
