Comeza a caravana Vilamor

2012-03-20

A promoción da película Vilamor, de Ignacio Vilar, arrincou este sábado nos cines As Termas de Lugo cunha proxección do filme que foi encontro para o equipo técnico e artístico da película, os seus familiares e os medios de comunicación.

Con este evento, que incluía unha degustación do Menú Vilamor iníciase a promoción da película, na que o director e os actores protagonistas xirarán por toda Galicia a bordo dunha furgoneta, a medida que a fita se estrea nas principais salas de cine de 15 localidades galegas.

A película estréase o vindeiro 30 de marzo en Lugo e logo proseguirá o seu percorrido por cines de toda Galicia cunha estrea cada venres, ata o 16 de maio. Ademais esta presenza dos cines acompañarase coa xira promocional da Caravana Vilamor, coa que Ignacio Vilar e os actores principais Rubén Riós, Sabela Arán e Xoel Yáñez percorren nunha furgoneta máis de 250 institutos e asociacións culturais e deportivas de toda Galicia para dar a coñecer esta película.

Tamén hai festas Vilamor nas principais cidades, nas que se venderán entradas para o cinema, e sorteos e agasallos nos principais eventos deportivos do país. Toda a información sobre a caravana pódese consultar no blog Vilamor. As principais datas das estreas son as seguintes:

- 30 de marzo (venres)

* Cine As Termas, Lugo.

* Cine Multicines Centro, Lugo.

* Cine Cinelandia, Ribadeo.

- 31 de marzo (sábado)

* Cine Lauro Olmo, O Barco de Valdeorras.

* Cine Avenida, A Rúa de Valdeorras.

- 4 de abril (mércores)

* Cine Hollywood, Monforte.

- 12 de abril (xoves)

* Cine Gran Vía, Vigo.

- 13 de abril (venres)

* Cine Praza Elíptica, Vigo.

* Cine Multicines Norte, Vigo.

- 19 de abril (xoves)

* CineBox Vialia, Pontevedra.

* Cine Filmax Pontiñas, Lalín.

- 20 de abril (venres)

* Cines Gran Arousa, Vilagarcía de Arousa.

- 27 de abril (venres)

* Cine Minicines Central, A Estrada.

- 3 de maio (xoves)

* Cine Filmax Coruña, A Coruña.

- 10 de maio (xoves)

* CineBox Narón, Narón.

- 11 de maio (venres)

* Cine Multicines Bergantiños,

. * Cine A Xunqueira, Cee.

- 16 de maio (mércores)

* CineBox Ourense, Ourense.

Tweet

http://vilamor.eu/web/gl/blog/