inicio   |   mapa web   |   nota legal   |   accesibilidade   |   contacta   |   área privada galego   |   español   |   english
Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera.
Galicia Audiovisual Revista
Click para ampliar

O Salón Teatro proxecta a curtametraxe FLORES PARA AMALIA

2013-06-06

A Consellería de Cultura e Educación ofrece este venres 7, ás 21.00 h, no Salón Teatro de Santiago a presentación da curtametraxe Flores para Amalia, do director Nani Matos. A fita, que está a iniciar o seu percorrido de proxeccións e participación en festivais, acaba de obter os premios do público e do xurado dos veciños á mellor curta de ficción en Cans.

Mela Casal e Gonzalo Uriarte protagonizan esta historia intimista sobre unha parella que pasa os últimos anos da súa vida nunha residencia para maiores, onde a longa enfermidade da muller levará o seu home a tomar unha decisión. Trátase dun traballo sobre os pequenos xestos da vida e sobre a capacidade de conmovernos co máis próximo. Como sinala o seu director, Flores para Amalia é unha desas historias cotiás que moitas veces pasan diante de nós case sen nos decatar, quizais porque a maioría dos que as protagonizan pasan inadvertidos para unha sociedade que non se para a mirar cara a atrás.

Ligazóns




Logo AGAPI cierre.

Rúa das orfas 23, 1º | 15703 Santiago de Compostela | telf: +34 981 577 747 | e-mail: prensa@agapi.org