inicio   |   mapa web   |   nota legal   |   accesibilidade   |   contacta   |   área privada galego   |   español   |   english
Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera. Imagen cabecera.
Festivais e certames Revista
Click para ampliar

O novo cine impresionista de vangarda será o eixo central da sétima edición da mostra (S8), que se desenvolverá na Coruña do 1 ao 5 de xuño

2016-05-06

A (S8) Mostra de Cinema Periférico, un dos seis festivais audiovisuais subvencionados este ano pola Agadic, avanzou algúns dos eixos da súa 7ª edición, que se desenvolverá do 1 ao 5 de xuño na Coruña e que, baixo o nome de Os novos impresionistas, reunirá cineastas como o canadense Stephen Broomer e o francés Jacques Perconte.

Este último, recoñecido artista do ‘glitch’, presentará no marco desta programación especial unha ‘performance’ con música en directo e unha exposición da súa obra. Así mesmo, a mostra ofreceralles aos espectadores unha panorámica que inclúe os novos traballos de artistas internacionais ao redor da idea do impresionismo no cinema e un programa histórico dedicado á cineasta, teórica e crítica Germaine Dulac. A sétima edición do festival comezará cun cinema-concerto a modo de gala inaugural o 30 de maio no Teatro Rosalía Castro (A Coruña) e no que se poderá ver a copia restaurada de ‘O acoirazado Potemkin’. A proxección da obra mestra de Sergei M. Eisenstein e pedra angular da modernidade da montaxe cinematográfica será sonorizada en directo polo estadounidense Chris Jarrett, autor dunha partitura orixinal inspirada na película. Na antesala do encontro, o fin de semana do 28 e 29 de maio, o cineasta galego Miguel Mariño impartirá na Fundación Luis Seoane, dentro da sección Mini(S8), o taller ‘Fabricación de proxectores caseiros’.

Ligazóns




Logo AGAPI cierre.

Rúa das orfas 23, 1º | 15703 Santiago de Compostela | telf: +34 981 577 747 | e-mail: prensa@agapi.org